“Meðvitaðir um háleita köllun sína, fullvissaðir um það afl til uppbyggingar þjóðfélags sem býr í trú þeirra, halda þeir hugrakkir og ótrauðir áfram í viðleitni sinni til að móta og fullkomna þau tæki sem gera fósturvísinum að heimsskipan Bahá’u'lláh kleift að þróast og þroskast. Það er þetta uppbyggingarferli, hægfara og lítt áberandi, sem líf bahá’í heimssamfélagsins er algjörlega helgað og sem felur í sér einu von sárþjáðs mannkyns.”

- Shoghi Effendi

Í þessari kröftugu stefnuræðu á ráðstefnu álfuráðgjafanna 28. desember 2010 birtir Allsherjarhús réttvísinnar bahá’í samfélaginu sýn þar sem markaðar eru útlínur nokkurra undirstöðuatriða og markmiða í væntanlegri fimm ára áætlun, og heldur áfram að beina athyggli okkar fram á við frá uppyggingarferlinu sem nú á sér stað að því sem er eftir að koma fram. Með ótvíræðum hætti er fjallað um stofnanirnar, þau sem þjóna í stjórnfarslegum ráðum, sem og einstaklinga – og gefin er skýr leiðsögn um nauðsynlegar umbreytingar sem verða að eiga sér stað til ná markmiðum fimm ára áætlunarinnar framundan.

Allsherjarhús réttvísinnar talar beint til meðlima bahá’í samfélagsins og brýnir fyrir þeim að halda í heiðri háleitan mælikvarða, sem Vörðurinn lýsti sem „andlegum forsendum fyrir árangri í öllu bahá’í starfi.“ Gerð er ítarleg grein fyrir þeim þáttum sem Vörðurinn bendir á að „séu þýðingarmestir og skipti sköpum“. Alsherjarhús réttvísinnar leggur fast að samfélaginu að „verða fordæmi ráðvandrar hegðunar á öllum sviðum í lífi sínu – í viðskiptum, heimilislífi, í allri atvinnu, í allri þjónustu sem þeir veita málstaðnum og fólki sínu.“

Bahá’u'lláh gerir grein fyrir að „ríkjandi skipulagi“ verði „vafið saman og nýtt breitt út í þess stað.“ Vörðurinn gefur okkur tryggingu fyrir að „þetta sé það uppbyggingarferli … sem feli í sér einu von hrjáðs samfélags“.creditsreleased 28 December 2010
Framleiðandi: Jon Rezin fyrir HearTheWritings.com
Lesari: Karen B. Knútsdóttir
Stjórn: Eysteinn Guðni Guðnason
Upptaka og klipping: Eysteinn Guðni Guðnason
Hljóðblöndun: Jon Rezin @ Small Room Productions, Los Angeles
Tónlist: Jon Rezin
Umslag: Jon Rezin (byggt á hönnun eftir Andrew Johnson)
©2010 HearTheWritings.com
Boðskapur Allsherjarhúss réttvísinnar til ráðstefnu álfuráðanna 28. desember 2010
©2010, Allsherjarhús réttvísinnar
Frekari upplýsingar á vefnum: HearTheWritings.com